aaj gum'sum hai jo barbaad jazeeron jesi,
    us ki aankhon mein chamak thi kabhi heeron jesi,
kitne maghroor pahaaron ke badan chaak hue,
    taiz kirnon ki jo baarish hui teeron jesi,
jis ki yaadon se khayaalon ke khazaane dekhe,
    us ki soorat bhi lagi aaj faqeeron jesi,
chahatain lab pe machalti hui larki ki tarah,
    hasratain aankh mein zindaan ke aseeron jesi,
ham anaa mast, tah-e-dast bohot hain Mohsin,
    ye alag baat ke aadat hai ameeron jesi

Post a Comment Blogger

 
Top