Barbaad-e Mohabbat Ki Dua Sath Liye Jaa
Toota Hua Iqrar-e Wafa Sath Liye Jaa
Ek Dil Tha Jo Pehle Hi Tujhe Sonp Dia Tha
Ye Jaan Bhi Aye Jaan-e Adaa Sath Liye Jaa
Tapti Hoi Raahon Se Tujhe Aanch Na Pohnchy
Dewaano Ka Ashkon Ki Ghataa Sath Liye Jaa
Shamil Ha Mera Khoon-e Jigr Teri Hina Me
Ye Kam Ho To Khoon-e Wafa Sath Liye Jaa
Hum Jurm-e Mohabbat Ki Saza Paenge Tanha
Jo Tujh Se Hoi Ho Wo Khata Sath Liye Ja
Hum Jurm-e Mohabbat Ki Saza Paenge Tanha - Urdu Sad Ghazals

Post a Comment Blogger

 
Top