Uss Na Baday Achay Nabron Sy Matric ka imtihaan Pass kia Tha - Urdu Articles About Ability

ﺍﺱ ﻧﮯ ﺑﮍﮮ ﺍﭼﮭﮯ ﻧﻤﺒﺮﻭﮞ ﺳﮯ ﻣﯿﭩﺮﮎ ﭘﺎﺱ ﮐﯿﺎ ﺗﻮ ﺑﮍﮮ ﻓﺨﺮ ﺳﮯ ﻣﻌﺮﻭﻑ ﮐﺎﻟﺞ ﻣﯿﮟ ﺩﺍﺧﻠﮧ ﻟﯿﻨﮯ ﭘﮩﻨﭽﺎ۔ ﺍﻧﭩﺮﯾﻮ ﻟﯿﻨﮯ ﻭﺍﻟﮯ ﻧﮯ ﭘﻮﭼﮭﺎ" ﻗﺎﺑﻠﯿﺖ ﮐﯿﺎ ﮨﮯ؟
" ﺟﯽ ﻣﯿﮟ ﻧﮯ ﺍﮮ ﻭﻥ ﮔﺮﯾﮉ ﻣﯿﮟ ﻣﯿﭩﺮﮎ ﭘﺎﺱ ﮐﯿﺎ ﮨﮯ " " ﻣﯿﮟ ﺗﻤﮭﺎﺭﯼ ﻧﮩﯿﮟ ﺗﻤﮭﺎﺭﮮ ﺑﺎﭖ ﮐﯽ ﻗﺎﺑﻠﯿﺖ ﭘﻮﭼﮫ ﺭﮨﺎ ﮨﻮﮞ ،ﮐﺮﺗﮯ ﮐﯿﺎ ﮨﯿﮟ ﻭﮦ "؟ " ﺟﯽ ﻭﮦ ﮨﯿﮉ ﮐﻠﺮﮎ ﮨﯿﮟ "
"ﺑﺲ ﺗﻤﮭﺎﺭﯼ ﻗﺎﺑﻠﯿﺖ ﮐﻢ ﮨﮯ، ﺗﻢ ﮐﺴﯽ ﭼﮭﻮﭨﮯ ﮐﺎﻟﺞ ﻣﯿﮟ ﺩﺍﺧﻠﮧ ﻟﮯ ﻟﻮ۔ﯾﮩﺎﮞ ﮐﯽ ﻗﺎﺑﻠﯿﺖ ﺩﻭ ﻻﮐﮫ ﺭﻭﭘﮯ ﮨﮯ۔"
ﺍﻭﺭ ﻭﮦ ﺑﻮﺟﮭﻞ ﻗﺪﻣﻮﮞ ﮐﮯ ﺳﺎﺗﮫ ﮐﺴﯽ ﭼﮭﻮﭨﮯ ﮐﺎﻟﺞ ﮐﯽ ﻃﺮﻑ ﭼﻞ ﭘﮍﺍ۔
ﺗﻌﻠﯿﻢ ﺧﺘﻢ ﮨﻮﺋﯽ ﺗﻮ ﻧﻮﮐﺮﯼ ﮐﯽ ﺗﻼﺵ ﺷﺮﻭﻉ ﮨﻮﺋﯽ، ﺍﯾﮏ ﺩﻓﺘﺮ ﻣﯿﮟ ﺑﮭﯽ ﺍﺱ ﺳﮯ ﯾﮩﯽ ﺳﻮﺍﻝ ﮨﻮﺍ! "ﻗﺎﺑﻠﯿﺖ ﮐﯿﺎ ﮨﮯ"
"ﺟﯽ ﺍﯾﻢ ﺍﮮ ﺍﮐﻨﺎﻣﮑﺲ ﻣﯿﮟ ﮔﻮﻟﮉ ﻣﯿﮉﻝ ﺣﺎﺻﻞ ﮐﯿﺎ ﮨﮯ " ﺍﺱ ﻧﮯ ﺑﮍﮮ ﻓﺨﺮ ﺳﮯ ﺟﻮﺍﺏ ﺩﯾﺎ۔ "ﻣﯿﮟ ﺍﺱ ﻗﺎﺑﻠﯿﺖ ﮐﯽ ﻧﮩﯿﮟ ﺟﯿﺒﯽ ﻗﺎﺑﻠﯿﺖ ﮐﯽ ﺑﺎﺕ ﮐﺮﺭﮨﺎ ﮨﻮﮞ" "ﺟﯽ ﻭﮦ ﺗﻮ ﮐﭽﮫ ﺑﮭﯽ ﻧﮩﯿﮟ" "ﺗﻮ ﻣﻼﺯﻣﺖ ﺑﮭﯽ ﮐﮩﯿﮟ ﺍﻭﺭ ﺗﻼﺵ ﮐﺮﻟﻮ" ﺟﻮﺍﺏ ﻣﻼ۔
ﻭﮦ ﭘﮭﺮ ﻭﺍﭘﺲ ﭼﻼ ﮔﯿﺎ۔ ﺟﯿﺴﮯ ﺗﯿﺴﮯ ﺯﻧﺪﮔﯽ ﮔﺰﺍﺭﯼ ﺍﻭﺭ ﻣﻮﺕ ﺁﮔﺌﯽ، ﻗﺒﺮ ﻣﯿﮟ ﭘﮩﻨﭽﮯ ﺗﻮ ﻓﺮﺷﺘﮧ ﺁٓﭘﮩﻨﭽﺎ ﺳﻮﺍﻝ ﮐﯿﺎ
ﻋﻤﺮ ﮐﯿﺴﯽ ﮔﺰﺍﺭﯼ ، ﯾﻌﻨﯽ ﻗﺎﺑﻠﯿﺖ ﮐﯿﺎ ﮨﮯ؟" "ﺟﯽ ﻣﯿﮟ ﻧﮯ ﻣﯿﭩﺮﮎ ﻣﯿﮟ ﺍﮮ ﻭﻥ ﮔﺮﯾﮉ ﭘﺎﺱ ﮐﯿﺎ ﮨﮯ، ﺍﯾﻢ ﺍﮮ ﺍﮐﻨﺎﻣﮑﺲ ﻣﯿﮟ ﮔﻮﻟﮉ ﻣﮉﻝ ﺣﺎﺻﻞ ﮐﯿﺎ،
ﺑﮍﯼ ﻣﺸﮑﻼﺕ ﺳﮯ ﻣﻼﺯﻣﺖ ﻣﻠﯽ، ﺍﻭﺭ ﺑﮩﺖ ﮐﻤﺎﯾﺎ۔ ﻣﺮﺗﮯ ﻭﻗﺖ ﺑﭽﻮﮞ ﮐﮯ
ﻟﯿﮯ ﺑﯿﺲ ﻻﮐﮫ ﺭﻭﭘﮯ ﻧﻘﺪ ﺍﻭﺭ ﭘﭽﺎﺱ ﻻﮐﮫ ﮐﯽ ﺟﺎﺋﯿﺪﺍﺩ ﺑﮭﯽ ﭼﮭﻮﮌ ﺩﯼ"
"ﻣﺠﮭﮯ ﺩﻧﯿﺎﻭﯼ ﻗﺎﺑﻠﯿﺖ ﻧﮧ ﺑﺘﺎﺅ" ﻓﺮﺷﺘﮯ ﻧﮯ ﮐﮍﮎ ﮐﺮ ﮐﮩﺎ 
ﻭﮦ ﻗﺎﺑﻠﯿﺖ ﺑﺘﺎﺅ ﺟﺴﮑﯽ ﺑﻨﺎ ﭘﺮ ﭘﻞ ﺻﺮﺍﻁ ﺳﮯ ﮔﺰﺭﻭ ﮔﮯ"
ﻭﮦ ﭼﭗ ﺭﮨﺎ ﺍﻭﺭ ﺳﻮﭼﺘﺎ ﺭﮨﺎ
ﮐﯿﻮﻧﮑﮧ ﺍﺱ ﮐﮯ ﭘﻠﮯ ﺗﻮ ﮐﭽﮫ ﺑﮭﯽ ﻧﮧ ﺗﮭﺎ ﺍﻭﺭ ﺍﺏ ﻭﮦ ﻭﺍﭘﺲ ﺑﮭﯽ ﻧﮩﯿﮟ ﺟﺎﺳﮑﺘﺎ ﺗﮭﺎ۔
زندگی بہت مختصر ہے، آگے کی تیاری کر لو اصل امتحان تو وہی ہے

Post a Comment Blogger

 
Top